jasqazaq.kz

Еңбек ақысын талап еткен жұмысшылар мұнарадан секірмек болды

04 қараша 2019, 23:07

Жамбыл облысында еңбек ақысын ала алмаған жұмысшылар су мұнарасының ұшар басына шығып алды. Олар бас мердігер маңдай тер ақымызды бермесе, биіктен құлаймыз деп мәлімдеді. Бұл туралы КТК телеарнасы хабарлады.

— Адал еңбегіміздің ақысын сұрап тұрмыз. Не болып жатыр? Кетсін!

Бас-аяғы бес адам 2 млн 180 мыңға тапсырыс алған. Олар тротуар төсеп беруі тиіс. Алайда жұмыстың аяқталуына жақын қалғанда бас мердігер жұмысқа көңілі толмайтынын айтып, бәрін бұзғызып, қайта істеуді тапсырыпты. Ашуланған жұмысшылар кәсіпкерден осыған дейін еткен еңбектің ақысын беруді талап етеді. Мердігер оған көнбеген. Амалы таусылаған бес адамның екеуі биік су мұнарасына шығып қиғылық салды. «Есеп айырыспаса – өлеміз» деген екеуді ешкім төмен түсіре алмай әуреге түсті. Арадағы жеті сағаттық келіссөзден кейін бас мердігер маңдай тер ақысының бір бөлігін беруге келісті. Яғни, сұралған 1 млн. 300 мың теңгенің 800 мың теңгесі қолма-қол қайтарылды. Содан кейін шу көтергендер жерге түсті. Ал кәсіпкер жұмысшылардың бұл әрекетін «бопсалау» деп отыр. Оның айтуынша, олар сапасыз құрылыс жүргізген.

Жұмағұл Байменов, бас мердігер:

— Заңсыз алып тұр, бұл бопсалау болып тұр. Бізге әлі акті келген жоқ. Істелген жұмыстарына енді алып келеді. Акті болмағандықтан, біз ақшаны төлей алмаймыз. Бұлардың істеген жұмысы бар, бірақ дұрыс емес. Сондықтан техқадағалау қабылдамай, бұзып тастады.

20 қараша, 13:54
Шыңғыс Оразалимов: Alem.Cloud ұлттық суперкомпьютері жасанды интеллект пен үлкен деректерді талдау жобаларына қызмет етуде
18 қараша, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда