Ең ұзақ пайдалануға болатын смартфондар рейтингі

21 желтоқсан 2017, 11:25

PhoneArena ресурсы 2017 жылғы негізгі гаджеттерді тестілеуден өткізіп, олардың ішіндегі ең ұзақ пайдалануға болатын түрлерін анықтады. Смартфондар арасында қуаты 11 сағатқа жуық уақытқа жеткен Samsung Galaxy S8 Active көш бастады.

Екінші орынды 10 сағат 35 минут көрсеткішпен iPhone 8 Plus иеленді, ал үздік үштіктің қатарынан 9 сағат 34 минут көрсеткішпен LG V30 смартфоны көрінді.

Бұл ретте S8 Active аккумуляторының сыйымдылығы 4000 мАч, ал iPhone 8 Plus тек 2691 мАч қана құрайды.

Басылымның хабарлауынша, тестілеу гаджеттердің күнделікті пайдалануына бейімделген арнайы әдістеменің көмегімен жүргізілген. Осылайша, құрылғылардың шынайы энергия тұтыну көрсеткіштері анықталды.