Елімізде спорт жаттығуын өткізуге рұқсат беріледі

11 мамыр 2020, 16:23

Қазақстанда спорттық жаттығулар мен мәдениет қызметкерлерінің дайындық жұмыстарына рұқсат беріледі. Бұл туралы ҚР Премьер-Министрінің бірінші орынбасары Ералы Тоғжанов айтып берді.

«Спорттық жаттығулар мен мәдениет қызметкерлерінің дайындық жұмыстарына рұқсат беріледі. Жұмыс істейтін ата-аналар үшін балабақшаларда кезекші топтар жұмыс істейді. Онда барлық санитарлық талаптар сақталады», — деді Е. Тоғжанов Үкіметте өткен онлайн брифингте.

Сонымен бірге, Е. Тоғжанов кез келген бұқаралық шараға тыйым салынатынын атап өтті.

ҚазАқпарат