Электр сымдарды топ болып ұрлаған

31 қазан 2017, 14:46

Кеше, 30 қазанда «Есіл» ауданы ІІБ қызметкерлері жедел-іздестіру іс-шаралары барысында Орынбор көшесі бойындағы құрылыс объектісінен сомасы шамамен 1,5 млн теңге құрайтын ұзындығы 500 метрден астам электр күш беретін кабелін ұрлаған күдіктілерді ұстап, Астана қаласы ІІД-нің уақытша ұстау оқшаулағышына қамады.

Қаскүнемдер аталған құрылыс нысанының жұмысшыларымен алдын ала келісіп, электр кабелін құрылыс аумағынан жалға алған «Газель» автомашинасымен шығарып, алып кеткен. Жедел-іздестіру әрекеттері барысында полицейлер кабельді қала аумағындағы металл қабылдау пунктінен тәркілеген. ҚР ҚК 188-бабы (ұрлық) бойынша тергеп-тексеріс жүргізілуде. Ұсталған екі адамның осыған ұқсас басқа да қылмыстарға қатыстылығы тексерілуде, деп хабарлайды Астана қаласы ІІД баспасөз қызметі.

ҚазАқпарат