Елбасының шетелдік сапарларына қанша қаржы бөлінеді?

Елбасының шетелдік сапарларына қанша қаржы бөлінетіні белгілі болды. Біркүндік ақы Елбасының баратын еліне және сондағы күнкөріс деңгейіне байланысты төленеді. Бұл туралы КТК телеарнасы хабарлады.

Еуропа елдерінде күнкөріс деңгейінің жоғары болуы себепті, Елбасына бір күнге 100 доллар беріледі. Азия елдеріне 80 доллардай. «Тұңғыш президент Қауіпсіздік кеңесі мен Қазақстан халқы ассамблеясын басқарып отырғаннан кейін елдің атынан шетелдік сапарларға жиі шығып тұрады. Барлық шығыны заң аясында жүзеге асады», — деді Сыртқы істер министрі Мұхтар Тілеуберді. Мұндай төленетін кез келген сапарға Қазақстан Президенті Қасым-Жомарт Тоқаев және барлық мемлекеттік қызметшілер де шыға алады. Барлық шығынды бюджет көтереді.

Мұхтар Тілеуберді, Сыртқы істер министрі:

— Үлкен «Шетелдік сапарлар» деген бап бар. Іссапар шығындары сол бапқа сәйкес төленеді. Белгіленген шектеулер көрсетілген кесте де бар. Еуропа елдерінде күнкөріс деңгейі жоғары, ол жақта 100 доллар болса, Азия мемлекеттерінде – 80 доллар.