Елбасы Ресей және Өзбекстан президенттерімен кездесті

Мемлекет басшысы Нұрсұлтан Назарбаев Түркістан облысының Сарыағаш қаласында Ресей президенті Владимир Путин және Өзбекстан президенті Шавкат Мирзиёевпен кездесті. Бұл туралы Ақорданың баспасөз қызметі хабарлады.

Елбасы Нұрсұлтан Назарбаев Ресей және Өзбекстан басшыларымен бейресми кездесу барысында үш ел арасындағы, соның ішінде сауда-экономикалық және мәдени-гуманитарлық салалардағы ынтымақтастықтың өзекті мәселелері жөнінде талқылап, Қазақстан, Ресей және Өзбекстан мемлекеттерінің ТМД және басқа да халықаралық ұйымдар аясындағы өзара іс-қимыл мәселелерін қарастырды.

Сондай-ақ, тараптар өңірлік және халықаралық күн тәртібіндегі негізгі аспектілер жөнінде пікір алмасты.