Елбасы әлеуметтік қамсыздандыру шараларын күшейтуді тапсырды

Нұрсұлтан Назарбаев Бюро мүшесі, Премьер-министр Асқар Маминге әлеуметтік қамсыздандыру, медициналық көмектің сапасын жақсарту, жұмыс орындарын құру және халықтың кірістерін ынталандыру шараларын күшейтуді тапсырды. Бұл туралы Nur Otan партиясы төрағасының бірінші орынбасары Бауыржан Байбек Twitter-де жазды. Бұл туралы  zakon.kz хабарлайды.

«Елбасы, партия Төрағасы Н.Ә.Назарбаев Сайлауалды бағдарламаны талқылау барысында Бюро мүшесі, Премьер-Министр А.Ұ.Маминге әлеуметтік қамсыздандыру шараларын күшейтуді, денсаулық сақтау саласының сапасын арттыруды, жұмыс орындарын құрып, тұрғындар табысын ынталандыруды тапсырды», деп жазды ол.

Сонымен бірге өңірлердегі жастарға қолдау көрсетудің нақты тетіктері арнайы ұсынылуы тиіс.