Екібастұзда әйелді бауыздап, кейін мәйітті жасырмақ болған

Павлодар облысында 40 жастағы әйелді бауыздап, кейін мәйітті жасырмақ болған екі азамат құрықталды. Ішімдіктен ұрттап алған олар қайғылы оқиғаға дейін бірге көңіл көтергенге ұқсайды. Бұл туралы КТК телеарнасы хабарлады.

Бұл жағдай Екібастұздағы пәтерлердің бірінде болған. Оқиғаның жай-жапсары әзірге белгісіз. Бір анығы, әйелді пышақтағап өлтірген екеу оның денесін кілемге орап, қас қарайғанда сыртқа алып шыққан. Мәйітті қоқысқа тастап, іздерін суытпақ болғанда оларды осы маңда өтіп бара жатқан жергілікті күзет агенттігінің қызметкерлері аңғарып қалған. Сөйтіп, оқиға орнына полицейлер жетіп, 21 және 28 жастағы қос жігітті құрықтаған. «Адам өлтіру» бабы бойынша айыпталған олар қазір уақытша қамау қапасында тергеліп жатыр.