Бәріне ортақ журналистика
Jas qazaq газеті мен Chevron компаниясының бірлескен жобасы

Жобаның мақсаты – мүмкіндігі шектеулі жандарды журналистика жанрларын меңгеріп, сауатты жазуға бейімдеу. Қазір журналистикаға құмар жандар компьютерлік сауаттылық, мерзімді баспасөз, дизайн, тележурналистика бойынша дәріс алып, тәжірибесін шыңдап жатыр.
Курсқа қатысушы Бақытжан Омашев спортқа, оның ішінде қол күресіне қызығушылығы басым. Сайыстарды қалт жібермей қарап, өзінің ой-пікірін сайтымызға да жолдапт отырады. Бақытжан Нұржаубайұлының жазған шағын ақпаратын сайт оқырмандарына ұсынамыз.

Жекпе-жек
ММА шебері Арман Әшімовтің жанкүйерімін. Арманның әлеуметтік желідегі парақшасынан жаңалықтарын оқып тұрамын.

Күні кеше Алматыда NFC 34 турнирі өтті. Арман Әшімов жекпе-жекке шықпағалы екі жылға жуықтапты. Ол АҚШ-тың әйгілі лигасы UFC промоушнымен келісімшарт жасасқаны туралы да ақпарат тараған. Бірақ жекпе-жекке түскен жоқ. Қолының жарақатына байланысты да айқасқа шықпады. Міне, осылай жүріп екі жыл үзіліс алған Арман кезекті жекпе-жегінде әзірбайжандық Серхан Валилидің 1-раундта техникалық нокаутпен жеңді.
Мұстафа Өзтүрік лақап атымен октагонға шығатын Арман бауырымызға алдағы айқастарында да сәттілік тілейміз.

Бақытжан Омашев,
1-топтағы мүмкіндігі шектеулі жан,
Алматы қаласы