jasqazaq.kz

Екі жылда жарықтандырылған көшелердің үлесі 70 пайызға жетеді

30 мамыр 2022, 17:24

Шымкент қаласының көшелерін түнгі жарықшамдармен қамтамасыз ету мақсатында мемлекеттік-жекешелік әріптестік аясында 2022-2023 жылдары 208 көшеге жарықшам орнату жоспарлануда. Нәтижесінде қала көшелерін жарықтандыру көрсеткіші 70 пайызға жетпек.

Өткен жылдың қорытындысы бойынша орталық маңызы бар 747 көшенің 356 көшесі жарықтандырылып, жарықтанған көшелер үлесі 43,4 %-ды құрады. Қаланың инфрақұрылымының даму жоспарына сәйкес 2021 жылы 104 көшені жарықтандыру көзделсе, меже артығымен орындалып, 136 көшеде жұмыстар толығымен аяқталды. Қалада «Ақылды қала» жобасы негізінде жарықтандыру жүйелерін толықтай автоматтандыру жолға қойылды. Жұмыс толық автоматтандырылған. Тәулік бойы оператор барлық жүйенің жұмысын бақылап отырады: қай көшедегі желі, қай шам жанып немесе өшіп тұрғаны экраннан көрінеді. Тағы бір ерекшелік – мамандар жарық шамның іске қосылу мерзімін жыл мезгілі, күннің шығуы мен батуына орай өзгертіп тұрады. Мысалы, қазіргі таңда шамдар кешкі 21:00-де жанып, таңғы 05:30-да өшеді. Ал күн бұлтты кезде диспетчер жарық шамдарын бір орталықтан, компьютер арқылы ерте қоса алады.

Жоба мемлекеттік-жекеменшік әріптестік арқылы жүзеге асырылуда. «АВМ Building» ЖШС Шымкентте 2021 жылдан бері жұмыс істеп келеді.

– Қалада 2021 жылдың наурыз айынан бастап жұмыс істеп келеміз. Біздің мақсатымыз – қаладағы барлық жарықтандыру жүйесін толық автоматтандыру. Ескі шкафтарды заманауи, жаңасына ауыстыру, диспетчерлік орталыққа қосу. Қазіргі таңда 80 шкаф іске қосылып, жыл соңына дейін олардың санын 150-ге жеткіземіз деп жоспарлап отырмыз. Диспетчерлер – толығымен жергілікті тұрғындар. Барлығы арнайы курстан өтіп, Алматыда тәжірибе алмасып келді, – дейді «АВМ Building» ЖШС Шымкент қалалық филиалының директоры Асқар Бураханов.

Көшелерді жарықтандырып, жүйені күтіп-ұстау, автоматтандырылған желіге қосу – осы мекеменің жұмысы. Алдағы уақытта әр жарықшамның килловаты, түнде, көлік қозғалысы баяулағанда жарықтық дәрежесін автоматты төмендету арқылы энергия үнемдеу сынды функцияларды қосу жоспарланған. Қазіргі таңда, 40-қа жуық көше диспетчерлік орталыққа қосылған. Жыл соңына дейін көше санын 100-ге жеткізу көзделген.

Тоқтар Жақаш

Бүгін, 16:09
Соңғы төрт жылда 14,8 млн гектар жер мемлекет меншігіне өтті
Бүгін, 14:19
Шымкент: Auezov University-де Форсайт орталығы мен AI Media Studio ашылды
Бүгін, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия
13 қараша, 15:06
Шымкентте жол-көлік инфрақұрылымын дамыту қарқынды жүріп жатыр