Екі бала ата-анасының көз алдында суға батып кетті (видео)

Солтүстік Қазақстан облысы Мерген ауылында 9 және 11 жастағы інісі мен әпкесі суға батып кетті. Бұл туралы  «Аstanatv» телеарнасы хабарлайды.

Көп балалы отбасы: бес баласы мен ата-анасы жасанды су айдыны жағасында демалып жүрген. Екі үлкен баласы шомылуға кеткен, ал анасы кішкентай баласын емізу үшін жағада қалған.

«Анасының айтуынша, ол баласын емізу үшін шатырқа барған және сол кезде үлкен балаларын ұмытып кеткен. Ол шатырдан шыққан кезде, ұлы жағада қимылсыз жатқанын көрген. Өгей әкесі баланы шығарып алып, судан қызын іздеуге тырысқан», — деді СҚО ТЖД бастығының орынбасары Мұрат Қанғожинов.

Бірақ қызды іздеу үшін құтқарушылардың жұмылуына тура келген. Олар оны екі метр тереңнен тапты. Құтқарушылар шұңқыр шаруашылық қажеттіліктер үшін жасанды түрде жасалғанын және оған жүзуге тыйым салынғанын айтты. Қайғылы жағдайға су түбінің тік қазылғаны себеп болуы да мүмкін. Балалар жүзе алмайтындарын түсінген соң артқа қайтуға бет алған. Бірақ шыға алмаған. Сондай-ақ, балаладың өгей әкесі сол кезде мас күйінде болғаны анықталды.