Екі адамды бөлшектеп тастаған Қостанай тұрғыны жазаланбайтын болды

Бүгін Қостанай облысының мамандандырылған ауданаралық сотында Сергей Поляничкоға қатысты сот өтті.

Ол екі тұрғынның денесін бөлшектегені үшін айыпталуда, деп хабарлайды alau.kz сайтына сілтеме жасап stan.kz.

Заңға сәйкес айыпталушы қылмыстық жазадан босатылды. Ол психиатрлық стационарда емделуге жіберілді.

2017 жылдың 14 қаңтары күні екі адамның өліміне күдікті 26 жастағы Қостанай тұрғыны ұсталған еді. Күдікті мерт болған жігіттің бірінің денесі бөлшектегенін мойындаған.

Сараптама қорытындысы бойынша айыпталушының психикалық тұрғыда ауыратыны анықталды. Алайда жәбірленушілер сараптама қорытындысымен келіскен жоқ.

Айыпталушы жауап алу кезінде құрбандарының басынан мүйіз көргені айтқан.