«Эйр Астана» Делиге рейсті қайта ашты

18 маусым 2019, 16:10

«Эйр Астана» әуе компаниясы Үндістан мен Пәкістанның Азаматтық авиация басқармаларының өзара келісімдері нәтижесінде екі ел арасындағы әуе кеңістігі ішінара ашылғанын хабарлайды.

Осыған орай, тасымалдаушы 29 мауысымнан бастап Алматы мен Дели арасындағы рейстерді сейсенбі, бейсенбі, сенбі және жексенбі күндері, аптасына 4 рет, қайта іске қосады.

Дүйсенбі, сәрсенбі және жұма күндеріне билет сатып алған жолаушылар бронды айыппұлсыз өзгерту немесе жою үшін әуе компанияның Брондау және ақпарат орталығына немесе билетті сатып алған жерге хабарласуын сұраймыз.

Нұр-Сұлтаннан Делиге рейстер маусымның соныңа дейін тоқтатылды. Үндістан және Пәкістан арасындағы әуе кеңістігіндегі барлық шектеу жойылған кезде «Эйр Астана» Үндістанға Алматы және Нұр-Сұлтаннан рейсті толық көлемде жаңартатын болады.