Димаш Құдайберген GGG – Canelo жекпе-жегінің алдында әнұранымызды орындайды

15 қыркүйек 2022, 11:34

Жақсы жаңалықты әншінің Instagram-дағы Dimash.news парақшасы бөлісті. 17 қыркүйек күні Қазақстанның қос мақтанышы бір алаңда бірге өнер көрсетуді жоспарлап отыр, деп хабарлайды Zakon.kz.

Осылайша әнші әрі композитор Димаш Құдайберген GGG-дің Канеломен үшінші жекпе-жегі алдында Геннадий Головкинге қолдау көрсетпек. Генадий Головкин Димашты Лас Вегаста өтетін жекпе-жекке арнайы шақырған.

Еліміздің бір туар спортшысы Генадий Головкиннің арнайы шақыртуымен 17 қыркүйек күні Лас Вегас қаласында өтетін GGG — Canelo 3 жекпе-жегі алдында Димаш Құдайберген мемлекеттік әнұранымызды орындап, батырымызға қолдау көрсетуді жоспарлап отыр, — делінген хабарламада.
Геннадий Головкин мен Сауль Альварес арасындағы үшінші жекпе-жек 17 қыркүйекте өтеді. Ол Қазақстан уақытымен 18 қыркүйек күні таңертең болады. Жекпе-жектің басталуы шамамен Нұр-Сұлтан уақытымен 8:00-ге жоспарланған.