Денсаулық сақтау саласы құрдымға кетуі ықтимал

Еуропа елдерінде карантин шектеулері алынғаннан кейін короновирустың тарау қарқыны қайта күшейді. КВИ жұқтырушылар дерегінің күрт көбеюінен бірқатар мемлекеттердің денсаулық сақтау жүйесі тығырыққа тірелуі мүмкін. Бұл туралы КТК телеарнасы хабарлады.

Бұл туралы Дүниежүзілік денсаулық сақтау ұйымы Еуропа аймағының бюро директоры Ханс Клюге мәлімдеді. Оның айтуынша, айналдырған екі аптада Еуропаның 30 елінде індетке шалдыққандар қатары көбейіп кеткен. Оның ішінде 11 мемлекет шұғыл сақтық шараларын қабылдамаса, денсаулық сақтау саласы құрдымға кетуі ықтимал. Қазір Еуропада 2 млн 600 мыңнан астам адам қатерлі кеселге шалдықса, одан қайтыс болғандар 195 мыңға жуықтады.