ДДСҰ: Еуропада пандемия аяқталуы мүмкін

Коронавирустың «омикрон» штамы Еуропадағы COVID-19 пандемиясын тоқтатуы мүмкін екенін мәлімдеді ДДСҰ-ның Еуропадағы аймақтық директоры Ханс Клюге. Бұл туралы Tengrinews.kz хабарлады.

«Еуропа пандемияның соңғы кезеңіне жақындап қалған болуы мүмкін», – деді Клюге.

Аймақтық бюро директорының айтуынша, Еуропада омикронның күрт өсуі басылғаннан кейін біраз уақыт жаһандық иммунитет болады. Ол иммунитет вакцина арқылы немесе маусымдық ерекшеліктерге байланысты қалыптасады.

«Біз COVID-19 қайта оралғанға дейін тыныштық кезеңін күтеміз, бірақ бұл пандемия толықтай аяқталды дегенді білдірмейді.

Бұл вирус бізді бірнеше рет таңғалдырды, сондықтан біз өте сақ болуымыз керек», – деді ол.