Ұлыбританиялық эпидемиолог, Лондондағы Корольдік колледжінің профессоры Тим Спектор омикрон штамының вакциналанған адамдарда пайда болуы мүмкін бірнеше белгісін атады. Бұл туралы Express басылымының мақаласында жазылған. Бұл туралы Tengrinews.kz хабарлайды.
Дәрігердің айтуынша, өзі бақылаған вакцина алған пациенттерде коронавирус симптомдары өте жеңіл болған.
«Көбінде жүрек айнуы, дене қызуының аздап көтерілуі, бас пен тамақ ауруы байқалды», — дейді ол.
Профессор вирус жұқтырғандардың ешқайсы ауруханаға жатқызылмағанын айтты. Сонымен қатар, олардың барлығы «екі және үш рет вакциналанғаны» атап өтілді. Оның сөзінше, вакцина аурудың ауырлығын «анық» төмендеткен.
Бұған дейін де ұлыбританиялық ғалымдар омикрон штамына тән белгілерді айтқан болатын, олар: шаршау, әлсіздік, дене қызуының көтерілуі, мұрыннан су ағуы, тәбеттің жоғалуы.