Дәретханада босанып, сәбиді шелекке тастап кеткен

13 тамыз 2018, 10:56

Қостанай облысында 27 жастағы қыз аурухананың дәретханасында босанып қалып, шақалақты шелекке лақтырып кеткен, деп хабарлайды ҚазАқпарат облыстық аурухананың бас дәрігері Юрий Моисеевке сілтеме жасап.

Оқиға Затобол ауданында болған. 27 жастағы қыз іші ауырып, емханаға жеткізілген. Ол аяғы ауыр екенін жасырғысы келіп, дәретханада босанған. «Затобол селосының ауруханасына түскен қыз нәрестесін дәретхананың шелегіне лақтырып кеткен. Дәрігерлер дер кезінде сәбидің өмірін аман сақтап қалды. Қазір оның жағдайы бір қалыпты. Анасы өз нәрестесінен бас тартты», — деді Ю.Моисеев. Облыстық ІІД баспасөз қызметі аталған факт туралы ресми мәлімдеме жасаған жоқ.