Данияр Елеусінов қарсыласын жеңді (видео)

16 наурыз 2019, 13:15

Қазақстанның Олимпиада чемпионы Данияр Елеусінов мексикалық Сильверио Ортисті жеңді, — деп хабарлайды Vesti.kz.

Жекпе-жек Филадельфиядағы (Пенсильвания штаты, АҚШ) Liacouras Center аренасындағы бокс кешінде болды.

Жартылай орташа салмақтағы Елеусінов-Ортис жекпе-жегі барлық сегіз раундқа созылды. Төрешілер жеңісті бірауыздан 79-70, 79-71 және 79-71 көрсеткішімен қазақстандыққа берді.

Жетінші раундта Елеусінов қарсыласын нокдаунға жіберді, бірақ мексикалық жігіт тым төмен түскен кезде ол артық соққы жібергені үшін бір ұпайдан айрылды. Төрешілер Ортис есін жиғанша біраз уақыт беріп, дәрігер шақыртты, ол кейін мексикандыққа жекпе-жекті жалғастыруға рұқсат берді.

28 жастағы Елеусіновтің еншісінде алты жекпе-жектен алты жеңіс (үш нокаутпен) бар, ал 36 жастағы Ортис карьерасындағы 24-ші жеңіліске ұшырады, сондай-ақ, оның активінде 37 жеңіс (18 нокаутпен) бар.