Данияр Ақышев: Жанармай, көмір, көкөністің өсуі инфляцияға әсер етеді

Қазан айындағы жанармай, көмір, көкеніс бағасының өсуі инфляцияға әсер етуі мүмкін. Бұл жөнінде Парламент Мәжілісінің жалпы отырысында Ұлттық банкі төрағасы Данияр Ақышев мәлім етті, деп хабарлайды jasqazaq.kz тілшісі.

«Ұлттық банктің негізгі басымдығы баға тұрақтылығын қамтамасыз ету және жылдық инфляцияны белгіленген нысаналы аралық шегінде ұстап тұру. Инфляция 2017 жылғы қаңтар-қыркүйекте 4,2 пайыз болды, ал жылдық мәнде 7,1 пайызды құрады. Алайда Ұлттық банк қазан айында инфляцияның өсу қаупін көріп отыр, яғни бұл жанармай, көмір, көкөніс бағаларының өсуіне байланысты. Осы тауарлар нарығында сұраныс пен ұсыныстың теңгерімсіздігі бар», – деді Ұлттық банкі төрағасы.

Данияр Ақышевтің айтуына қарағанда инфляция жыл соңына дейін 6-8 пайыз мөлшерінде болмақ.