Дәрігерлер педофил зорлаған 5 жасар қыздың жағдайы туралы айтып берді

Педофил зорлаған 5 жасар қызды Сәтбаев қаласындағы орталық емханадан Қарағандыдағы балалар емханасына ауыстырылды.

Дәрігерлер қыздың жағдайы орташа қалыпта деп мәлімдеді.

«Бүлдіршінді 23 шілде күні Сәтбаев ауруханасына жеткізді. Ол зорлаудан кейін қатты шошынған. Дәрігерлер қолдан келгеннің бәрін жасады. Бүгін облыстық емханаға ауыстырды. Жағдайы орташа қалыпта», – дейді облыстық денсаулық сақтау басқармасының баспасөз хатшысы Айжан Иса.

Қазір баламен психологтар жұмыс істеуде.

Айта кетейік, Қарағанды облысында полицейлер пәтерде жылап жатқан 5 жасар қызды 50 жастағы ер адамнан құтқарып қалған еді.

Бұған дейін хабарлағанымыздай ер адам 5 жасар қызды алдап пәтеріне апарып, зорлағанын мойындаған еді. Тергеу аяқталған соң сержант шеніндегі қарауыл ашулықтан өзін ұстай алмай педофилді соққыға жықты.

stan.kz