
Ақпарат және қоғамдық даму министрі Дәурен Абаев Жамбыл облысының Масанчи ауылында болған жаппай қақтығыстың себебі — адамды балталап тастаған деген ақпаратты жоққа шығарды, — деп хабарлайды Tengrinews.kz.
Брифингтен кейін журналистер Абаеватан Желіде тарап жатқан Масанчиде «қарт кісі мен балаларды балтамен шапты» деген ақпараттың анық-қанығын сұрады.
«Адамды балталап тастаған деген ақпарат жалған», — деді Абаев.
Сондай-ақ, министрден қақтығыс себебі делінген 82 жастағы қария зардап шеккен тұрмыстық жанжал туралы хабардың мән-жайы сұралды.
«Мұндай нұсқа бар. Бұл тұрмыстық жанжал, бірақ нақты қандай екенін қазір анықтап жатырмыз», — деп атап өтті Абаев.