Cтуденттер 15 наурыздан онлайн оқуға көшеді

12 наурыз 2020, 15:09

15 наурыздан бастап Қазақстандағы жоғары оқу орындары онлайн оқуға көшеді.

«Колледждер мен ЖОО-лар онлайн оқуға көшеді. Көптеген оқу орнының қашықтықта оқу бойынша тәірибесі бар. Сондықтан ол жағынан мәселе туындамайды. Classroom, Google секілді платформалар бар», — дейді білім және ғылым министрі Асхат Аймағамбетов.

Одан бөлек, қоғамдық көліктерде, адам көп жиналатын жерлерде міндетті дезинфекция жүргізіледі.

«Қазақстанда коронавирус инфекциясы тіркелген жоқ. Құрметті қазақстандықтар, тек ресми дереккөздердің мәліметіне сенуді және дүрбелең туғызбай, денсаулық сақтаудың алдын алу шараларын ұстануды сұраймыз», — деді Тоғжанов.

Мұның алдында Тоғжанов орта білім беру мекемелерінде коронавирустың тарауына байланысты 16 наурыз — 5 сәуір каникул болатынын мәлімдеген болатын.