Бұрынғы әйелі мен қызын сыртынан жауып, үйге от қойған

Оралда бұрынғы әйелі мен қызын сыртынан жауып, үйге от қойған тұрғын қамауға алынды.

БҚО полиция департаментінің баспасөз қызметі мәлім еткендей, күдікті ҚР Қылмыстық іс жүргізу кодексі 139-бабы тәртібімен Орал қаласы полиция басқармасының уақытша оқшаулау изоляторына қамалды. Аталған ер адам 20 шілде күні сағат 22.40 шамасында Зачаган кентіндегі Құс фабрикасы ауданында бұрынғы әйелінің үйіне от қойып, оқиға орнынан бой тасалаған. Жедел іздестіру шаралары барысында ұсталған күдікті қылмысын мойындаған. Осы қылмыс бойынша Зачаган полиция бөлімі ҚР ҚК 202-бабы 2-бөлігіне сәйкес тергеу амалдарын жүргізуде. Сараптамалар тағайындалды.

Әйелдің бұрынғы күйеуі үйге бензин шашып, есікті жауып, өртеп жіберген. Әйел мен бала қашып үлгерген.

Ол әйелді жиі ішіп келіп, ұрып соққан. Бұрынғы күйеуімен 5 жыл бұрын ажырасқан. Екеуі 17 жыл бірге некеде тұрған.

ҚазАқпарат