Бүгін Қырғызстанда “тыныштық күні”

Бүгін Қырғызстанда сайлауалды тыныштық күні орнады. Бұл күні тіркелген үміткерлер және БАҚ өкілдері ешқандай үгіт-насихат жұмыстарын жүргізбейді.

Бұл туралы ҚазАқпарат хабарлады.

«Тыныштық күні» Қырғыз Республикасының «Қырғыз Республикасының Президентін және Қырғыз Республикасының Жогорку Кенешінің депутаттарын сайлау туралы» конституциялық Заңының 23-бабы 1-бөлігіне сәйкес жария етіледі. Сайлауға қатысушылар тарапынан «тыныштық күнінің» талаптарын бұзғандар болса Қырғызстанның Орталық сайлау комиссиясы оларға қарсы шара қолданады. Айта кетерлігі, дауыс беру республика бойынша ертең таңертеңгі сағат 8-ден 20:00-ге дейін жүргізіледі. Президент сайлауына 10 үміткер қатысып жатыр.