Бүгін қазақстандық 10 боксшы шаршы алаңға шығады

Бүгін Таиланд астанасы Бангкокте өтіп жатқан бокстан Азия чемпионатында қазақстандық 10 спортшы ширек финалдық кездесулерін өткізеді. Бұл туралы ҚазАқпарат хабарлады.

Нұр-Сұлтан қаласының уақытымен 13.00-де басталатын күндізгі сессияда еліміздің 6 боксшысы сынға түседі. Атап айтқанда, Закир Сафиуллин (60 келі) қытайлық Цзюнь Шаньмен, Тұрсынбай Құлахмет (75 келі) өзбек жігіті Исраил Мадримовпен, Василий Левит (91 келі) ирактық Саади Мохаммед Рабеамен қолғап түйістіреді. Қыздар арасында Дина Жоламан (54 келі) қытайлық Шуан Шимен, Римма Волосенко (60 келі) үндістандық Лаишрам Девимен, Ақерке Бақытжан (75 келі) қытайлық Ли Шианмен шеберлік байқасады. Кешкі сессия Нұр-Сұлтан қаласының уақытымен 17.00-де басталады. Бұл жолы Асланбек Шымбергенов (69 келі) өзбек Бобо-Усмон Батуровпен, Назым Қызайбай (51 келі) үндістандық Заин Нихатпен, Милан Сафронова (64 келі) жапон Аяка Тагучимен, Қамшыбек Қоңқабаев (91 келіден жоғары) иорданиялық Одай Альхивдавимен жекпе-жекке шығады.