Бүгін — Қазақстанда президент сайлауы

Бүгін әр азамат өз таңдауын жасап, конституциялық құқығын жүзеге асырады.

2019 жылдың 19 наурызында Қазақстанның тұңғыш президенті Нұрсұлтан Назарбаев өкілеттігін мерзімінен бұрын тоқтатып, отставкға кететінін мәлім етті. Конституция бойынша мемлекет басшысының міндеті сенат төрағасы Қасым-Жомарт Тоқаевқа өтті. 2019 жылдың 9 сәуірінде Тоқаев халыққа үндеу жариялап, кезектен тыс президент сайлауын 2019 жылдың 9 маусымына белгіледі. Президенттікке кандидаттарды ұсыну 10 сәуірде басталды. Сонымен, Орталық сайлау комиссиясы Қазақстан президенттігіне жеті кандидатты тіркеді:

Қазақстан коммунистік халық партиясы атынан Жамбыл Ахметбеков;

«Ақ жол» демократиялық партиясы атынан Дания Еспаева;

«Ұлт тағдыры» қозғалысы атынан Әміржан Қосанов;

«Ауыл» партиясы атынан Төлеутай Рақымбеков;

Кәсіподақтар федерациясы атынан Амангелді Таспихов;

Nur Otan партиясы атынан Қасым-Жомарт Тоқаев;

«Ұлы дала қырандары» қоғамдық бірлестігі атынан Сәдібек Түгел.

Президенті сайлауының қорытындысы

Сайлау учаскесiнде дауыстарды санау уақыты санау басталған кезден бастап он екi сағаттан аспауы тиiс. Сайлаудың алдын ала қорытындысы 10-11 маусымда шығарылады. Сайлау қорытындылары туралы хабар сайлау өткізілген күннен бастап он күннен кешіктірмей бұқаралық ақпарат құралдарында жариялануы тиіс.