Бүгін 13 мың түлек ҰБТ тапсырып жатыр

Қазақстанда Ұлттық бірыңғай тестілеу басталды. Осыған орай бүгін ҚР Білім және ғылым министрі Л.Гумилев атындағы Еуразия ұлттық университетіне келіп, тест тапсырып жатқан түлектерге сәттілік тіледі. Бұл туралы ҚазАқпарат хабарлады.

«Меніңше, соңғы жылдары балалар барынша байсалды болып барады. Олар салмақты, байыпты, барлық ойларын бір мақсатқа бағыттай алған. ҰБТ тапсырып жатқан барлық түлектерге сәттілік білеймін», — деді министр БАҚ өкілдеріне берген сұхбатында. Оның айтуынша, бүгін еліміз бойынша 13 мың түлек ҰБТ тапсырып жатыр. «Республика бойынша бүгін жалпы 13 мың бала ҰБТ тапсырып жатыр. Бұл — бірінші лек. Жалпы 9 күн тапсырамыз деп жоспарлап отырмыз. ҰБТ-ны барлығы 117 242 түлек тапсырады. Бүгін Нұр-Сұлтан қаласында осы университке 600 бала келіп отыр. Дәл осы жерде. Біз сәттілік тіледік. Балаларымыз қобалжымай, жақсы тапсырады деген үміттеміз», — деді Асхат Аймағанбетов.