Бурабай демалыс алаңындағы қоқыс үйіндісі қызу талқыға түсті  

Әлеуметтік желіде Бурабайдағы жағажайда демалушылар тастап кеткен үлкен қоқыс үйіндісі қызу талқыға түсті.  

Жағажайдағы суреттер мен видеоны Юлия Синчук есімді Facebook қолданушысы парақшасына жүктеген.

«Мен мұндай Бурабайды бұрын-соңды көрмеппін. Таңғалып отырмын», — дейді ол.
Желі қолданушылары қоқыстың көп жиналуына өткен демалыста келушілер саны көп болуы себеп болғанын және қоқыс өте сирек шығарылатынын жазған. Нәтижесінде жағажай маңында пакет, пластик, жәшіктер көптеп жиналып қалған.
Еске салайық, Бурабайдағы туристік кезең 1 маусымда ашылған. Жағажайларға санитарлық-эпидемиологиялық шараларды сақтай отырып жұмыс істеуге рұқсат етілген.

Tengrinews.kz