Brent мұнайының бағасы барреліне 61 доллардан асты

Brent маркалы мұнайдың құны 2020 жылдың 24 қаңтарынан бастап алғаш рет барреліне 61 доллардан жоғары көтерілді, — деп хабарлайды Tengrinews.kz тілшісі Лондондағы ICE биржасында өткен сауда деректеріне сілтеме жасап.

Нұр-Сұлтан уақыты бойынша сағат 08.16-дағы жағдай бойынша, Brent маркалы солтүстік теңіз мұнай қоспасына сәуір фьючерстерінің бағасы 0,51 пайызға — барреліне 61,1 долларға дейін өсті. Ал WTI маркалы мұнайдың наурыз фьючерстерінің бағасы елорда уақытымен 05.19-да 0,64 пайызға, барреліне 58,34 долларға дейін өсті.

Бұған дейін Brent маркалы мұнайдың құны 2020 жылдың 29 қаңтарынан бастап алғаш рет барреліне 60 доллардан жоғары көтерілгені хабарланған болатын.