jasqazaq.kz

Бойжеткенді бұрынғы жігіті терезе арқылы ұрлап кеткен

29 маусым 2020, 23:30

Алматы облысында жатын бөлменің терезесі арқылы бойжеткенді ұрлаған азамат ұсталды.

Алматы облыстық Полиция департаменті баспасөз қызметінің мәліметінше, 27 маусым күні Қарасай аудандық полиция бөліміне Шамалған ауылының 72 жастағы тұрғыны арызданған. Ол түн ортасында оның 21 жастағы қызын терезеден ұрлап кеткенін жеткізген. Белгісіз біреу терезені бұзып, күш қолдану арқылы бойжеткенді белгісіз бағытқа алып кеткен.

«Жедел-іздестіру іс-шараларының нәтижесінде полиция қызметкерлері «LEXUS 470« автокөлігін Қаскелең қаласынан тоқтатқан. Көлікте 21 жастағы бойжеткен және оны ұрлады деген күдікке ілінген Шалқар ауылының тұрғыны болған. Анықталғандай, бойжеткеннің бұрынғы сүйіктісі түнгі уақытта шегелермен бекітілген терезені қысқыш арқылы бұзып, үйге кірген. Дөңгелекті жөндеу үшін пайдаланылатын бізбен бойжеткенді қорқытып, ұрлап кеткен. Күдіктіні тәртіп сақшылары ұстағанға дейін адам жоқ жерлерде бірнеше рет тоқтап, қызғаныш салдарынан бойжеткенді қолымен және аяғымен соққыға жыққан», — деді Алматы облысы Қарасай аудандық полиция басқармасының бастығы Асхат Данияр.

Күдікті азамат уақытша ұстау оқшаулағышына қамалды. Одан алынған спиральді біз бен терезеден табылған қысқыштар іске айғақзат ретінде тіркелді. Келтірілген дене жарақаттарының ауырлық дәрежесін анықтау мақсатында сот-медициналық сараптама тағайындалды. Аталған дерек ҚР ҚК-нің 125-бабы «Адам ұрлау» бойынша тіркеліп, сотқа дейінгі тергеу амалдары жүргізілуде.

ҚазАқпарат

18 қараша, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия