Бойжеткен өзімен бірге уақыт өткізген жігіттің көлігін ұрлап кеткен

23 қазан 2017, 15:16

22 қазан күні таңғы 4:00 шамасында Таран ауданында көлікті ұрлап алып кету фактісі тіркелген.

Бұл туралы облыстық ІІД баспасөз қызметі хабарлайды. Бойжеткен сол түні өзімен бірге уақыт өткізген жігіттің көлігін айдап кеткен.

«Volksvagen Passat» автокөлік үй ауласында тұрған екен. Қыз кілтті алып, кетіп қалған.

“Автокөлік иесі машинасының жоғалғанын біліп, полицияға хабар береді. Полицейлер қызды Горняков-Тобольская көшелерінің қиылысында ұстады. Қыз өз әрекетін түсіндіріп бере алмады. Алайда жасаған ісін мойындады”, – деп хабарлады ІІД.

22 жастағы қызға ҚР ҚК 200 бабы бойынша айып тағылып отыр. Қазіргі таңда полицейлер істің ақ-қарасын тексеру үстінде.