Биткойн басып озды – 62 мың 643 доллар

Биткойн басып озды. Жыл басынан бері рекорд жаңартып жатқан криптовалютаның құны тарихи шегіне жетіп, қазіргі бағасы 62 мың 643 долларды құрайды. Бұл туралы КТК телеарнасы хабарлады.

Бұл криптовалюта үшін рекордтық көрсеткіш. CoinmarketСap таратқан мәлімет бойынша, электронды ақша түс ауа 3 пайызға көтеріліп, 62 мың 643 долларға дейін жетіп отыр. Осылайша электронды ақша ай сайын айтарлықтай жоғарылай түсуде. Криптовалюта құнының аспандауына «Тесла» компаниясы себепкер болған. 8-ақпанда Илон Маск 1 жарым миллиард долларға биткоин сатып алды. Ол «Тесла» көліктерін биткойнға сатып алуға болатындығын жариялаған еді.