
Бішкекте биыл сәуірде ұрланып, кейін өлі табылған қыз зорланғаны белгілі болды.
Бішкек ішкі істер бас басқармасының баспасөз қызметінің мәліметінше, соталды тергеу алдымен ҚК-нің 175-бабы («Некеге тұру мақсатында адам ұрлау») бойынша тіркелген, кейіннен жиналған материалдарға сәйкес қайта қаралған.
«ҚК-нің 170-бабына («Адам ұрлау») өзгертілді, сондай-ақ күдіктіге ҚК-нің 170-бабы («Адам ұрлау»), 161-бабы («Зорлау») және 130-бабында («Адам өлтіру») көзделген қылмысты жасады деген күдік бары сырттай хабарланды», — деді ведомстводағылар.
Қазіргі уақытта сотқа дейінгі іс Бішкектің Первомай аудандық сотының қарауында жатыр.
«Одан бөлек, Бішкек қаласы ҚР Ұлттық қауіпсіздік мемлекеттік комитетінің басқармасы милицияның жекелеген қызметкерлеріне қатысты ҚК-нің 331-бабы («Немқұрайдылық») бойынша соталды тергеу жүргізіп жатыр», — делінген хабарламада.
Еске салайық, 5 сәуірде Бішкекте Айзада есімді қыз жұмысқа бара жатқанда ұрланған болатын. 2 күннен кейін қыз бен оны ұрлаған адам өлі табылды.
Ер адам оны футболкамен тұншықтырып, содан кейін өзін-өзі өлтіргені хабарланды.
Осы іс бойынша бес күдікті ұсталды.
Tengrinews.kz