Бірнеше аудан әкіміне сөгіс жарияланды

Солтүстік Қазақстан облысында екі ауданның әкімі тәртіптік жазаға тартылды. 

Өңір басшысы Құмар Ақсақалов Айыртау ауданының әкімі Бейбіт Исмановқа құрылыс, сәулет және қала құрылысы басқармасының басшысы Серік Мұхамедиевке, Жамбыл ауданының әкімі Мұратбек Әбішевке қызметтік міндеттерін жөнді атқармағаны үшін қатаң сөгіс жариялады. Шенеуніктер 9 айдың қорытындысы бойынша, әлеуметтік-экономикалық дамудың жоспарлы көрсеткіштеріне қол жеткізбеген. «Алғашқы жарты жылдықтың әлеуметтік-экономикалық даму көрсеткіштеріне қол жеткізбегені үшін Жамбыл, Мамлүт және Шал ақын аудандарының әкімдері тәртіптік жауапқа тартылды. Жылдың аяғына қарай не боларын көреміз», — деді Қ. Ақсақалов.

Дереккөзі: ҚазАқпарат