Бірегей жалпыұлттық диалог алаңы – Қазақстан Халық Кеңесінің құрамы жарияланды

Мемлекет басшысының Жарлығымен Қазақстан Халық Кеңесінің құрамы бекітілді, деп хабарлайды jasqazaq.kz Ақорданың баспасөз қызметіне сілтеме жасап.
Халық Кеңесі – ел тарихындағы алғашқы жоғары консультативтік орган. Оған Қазақстан халқы Ассамблеясы мен Ұлттық құрылтайдың функциялары берілді. Сонымен қатар заң жобаларын бастамашылық тәртіппен ұсыну құқығына ие.
Кеңес құрамында еліміздегі барлық этностардың өкілдігі қамтамасыз етілді.
Халық Кеңесінің төрағасы кім болатыны алдағы белгілі болады. Ол Кеңес мүшелерінің арасынан 4 жыл мерзімге сайланады. Кандидаттарды Мемлекет басшысы ұсынады.
Халық Кеңесі мүшелерінің кемінде үштен бірі де кандидат ұсыну бастамасын көтере алады.

JQ-Aqparat
Сурет: aqorda.kz