Бір жыл бұрын жоғалған ер адам Өскеменнен өлі табылды

11 тамыз 2022, 10:48

Алматыда бір жылдан астам уақыт бұрын жоғалып кеткен ер адамның сүйегі Өскеменнің шетіндегі орман белдеуінен табылды. Бұл туралы Noks.kz сайтына сілтеме жасап Tengrinews.kz хабарлайды.

LIDER.KZ еріктілер тобының мәліметінше, Алматыда 2021 жылдың 13 наурызында 1991 жылы туған ер адам жоғалып кеткен. Ол сол күні сағат 6:30 шамасында Райымбек даңғылындағы жұмысынан шыққан, кейін оны ешкім көрмеген. Жақында еріктілер жас жігітті іздеу жұмыстары тоқтағанын хабарлады.

«Ер адамның денесі Өскемен қаласының іргесіндегі орманнан табылды. 19 шілдеде бұл дерек бойынша соталды тергеу басталды. Сараптама жүргізілуде», — деп хабарлады ШҚО ІІД баспасөз қызметі.