Бір принтер — 10 000 000 теңге…

Фото: kp.ru

Сыбайлас жемқорлыққа қарсы қызметтің Маңғыстау облысы бойынша департаменті сатып алынатын тауарлар мен қызмет түрлері құнының нарық бағасынан жоғары болмауын қадағалайды. Соның нәтижесінде жыл басынан бері 1,2 млрд теңге көлеміндегі мемлекет қаржысы үнемделіпті.
«Өңірде мемлекеттік сатып алуды тиімсіз жоспарлайтын мекемелер бар. Мысалы, Түпқараған аудандық білім бөліміне қарасты мемлекеттік балабақшалардың бірі 32,1 млн теңгеге 3 дана принтер сатып алуды жоспарлаған. Принтердің бір данасын 10,7 млн теңгеден белгілеген. Алайда оның нарықтағы бағасы 100 мың теңгеден аспайды. Департаменттің ұсыным хаты негізінде мемлекеттік сатып алу жоспары қайта қаралып, 31 млн теңге қаражат үнемделді», деді Сыбайлас жемқорлыққа қарсы қызмет департаменті басшысының бірінші орынбасары Біржан Хайруллин.

JQ-Aqparat