Маңғыстау облысында сарышаян қаптады. Мұнда бір күнде жеті әйелді улы жәндік шағып алған. Алғашқы дерек Бейнеу ауданында тіркелді. Онда аяғы ауыр келіншекті шаян шағып, дереу ауруханаға жеткізілген.Бұл туралы КТК телеарнасы хабарлайды.
Шаянның шабуылына тап болғандар – Бейнеу, Қарақия аудандары мен Жаңаөзен қаласының тұрғындары. Қазір шаян шаққан науқастардың денсаулығы қалыпты дейді дәрігерлер.
Нұрбол Оқуов, Маңғыстау облыстық қоғамдық денсаулық сақтау басқармасының баспасөз хатшысы:
— Барлығына сары шаян шақты деген диагноз қойылған. Ең жасы 26-да, жасы үлкені 65-те. Барлығы әйел адамдар. Шаққан кезде денсаулығына қауіп төнген жоқ.