Білімнің бағасы қанша?

Жақында Freedom Finance Life компаниясы еліміздегі  жоғары білімнің қолжетімділігі туралы зерттеу нәтижелерін ұсынды. Зерттеу нәтижесі бойынша,  2017 жылы 18-22 жас аралығындағы жастардың тек 54 пайызы  университеттерде оқиды. Жастардың басым бөлігі оқу ақысының қымбат болуымен келіспейді. Ал олардың 23,7 пайызы оқу ақысын қалыпты деп санайды.

2018 жылы  52 мың студент жоғары оқу орындарынан кеткен. Оның басты  себебі — оқу ақысын төлей алмау, оқу үлгерімінің нашарлығы және  денсаулықтың бұзылуы. Алайда ең көп анықталған  мәселе — қаржылық қиындық. Зерттеуге сәйкес, 13 мыңға жуық студент, немесе 25 пайыз, төлем мәселелеріне байланысты оқу орнынан шығып қалған.  Бұл көрсеткіш Жамбыл облысында 53,2 пайыз. Ақтөбе облысында  (37,6 пайыз), Қарағанды ​​облысында  (36,4 пайыз) құрап отыр.

Зерттеуге сәйкес, бүгінгі күні жоғары оқу орнындағы бакалавриаттың құны жылына 150 мыңнан 2,1 миллион теңгеге дейінгі аралықта. Ал оқу бағасы жыл сайын 10 пайызға өсіп отырады.

Дайындаған Мақпал Ноғайбаева