Биік өкшелі туфлимен жасалған рекорд (видео)

Желаяқ қыз биік өкшелі туфлимен 42 шақырым жүгіріп, рекорд орнатты, деп хабарлайды Baq.kz ақпарат агенттігі. 

Ирен Сьюэлл биік өкшелі туфлимен марафонға қатысып, 7 сағат 28 минутта мәреге жеткен. Сөйтіп ол Гиннестің рекордтар кітабына енді.

«Менің қолымнан келді. Өзім де таңғалдым, бірақ бұл шынымен орындалды», — деп жазған Сьюэлл Instagram парақшасында.

Ол Чаттануга қаласы Теннесси штатының тұрғыны.

Подиатристің ұсынысы бойынша Сьюэлл негізінен спорттық аяқ киім киіп дайындалған көрінеді. Тек анда-санда ғана биік өкшелі туфлимен жаттығып жүріпті.

Ал марафонға ол әртүрлі өлшемдегі 7,5-ден (37 өлшем) 9-ға (38,5 өлшем) дейінгі 6 жұп аяқ киімді дайындаған.

Сонымен қатар, ол жабыстырғыш, ұлтарақ, аяқты буатын бандажды пайдаланған.