Бензиннің шуы Бозымбаевтың орынбасарын орнынан жұлды

Премьер-Министр Бақытжан Сағынтаев үкіметтің бүгінгі отырысында Энергетика вице-министрі Әсет Мағауовты қызметінен босатты, деп хабарлайды jasqazaq.kz тілшісі.

Үкімет басшысы өз сөзінде министрлердің орынбасарларын тағайындау және қызметінен босату өз құзыретіне жататындығын айтты. Энергетика вице-министрі Әсет Мағауов өзіне жүктелген міндетті дұрыс атқара алмағандықтан қызметінен алынатындығын хабарлады.

Естеріңізге сала кетсек, қазір ел көлемінде бензин бағасы шектен тыс қымбаттап, көптеген бекеттерде жанармайды толан арқылы беріп жатыр. Парламент депутаты Мәулен Әшімбаев жедел арада үкімет жанармай бағасын реттемесе депуттар бұл мәселені парламентте қарайтындығын айтқан болатын.

Бейбіт Тоқтарбай

Астана