jasqazaq.kz

Бензин бағасының өсуі өзге тауардың қымбаттауына әсер ете ме?

22 қантар 2020, 21:38

Елімізде бензин тағы қымбаттады. Қазір жүргізушілер жиі тұтынатын АИ-92-нің бір литрі 152-153 теңгеден сатылуда. Ол осыған дейін жанар-жағармай бекеттерінде 144-145 теңгеден саудаланып келген болатын. Ұлттық экономика министрлігіндегілердің айтуынша, бұған акциз құнының көтерілгені себеп. Алайда олар мұның бензин бағасына бірден әсер етпейтінін айтады. Бұл туралы КТК телеарнасы хабарлады.

Нұрлыбек Шаймаханов, ҚР Ұлттық экономика министрлігі Салық саясаты басқармасының басшысы:

— 2020 жылдың 1-ші қаңтарынан бастап бензинді көтерме саудада сатуға акциз мөлшерлемесі көбейтілді. Яғни, 1 литр бензинге акциз мөлшері 10 теңгеге көбейді. Бұрын 8 теңге шамасында болса, енді 18 теңге шамасында. Бірақ бұл 10 теңгеге акциздің көбеюі, бензин бағасының 10 теңгеге көбейеді дегенді білдірмейді. Бензиннің бағасы нарықта айқындалады. Яғни, ол ұсыныс пен сұранысқа, бәсекелестікке байланысты.

Дегенмен жанармай соңғы аптада бірден 7-8 теңгеге қымбаттады. Мәселен, Алматыда АИ-92 қазір 153 теңгеге дейін саудаланып жатыр. Шымкент және Нұр-Сұлтан қалаларында да жағдай осындай. Ал Ақтөбеде халықтың көбі көлігіне сұйытылған газ отынын қолданса да, бензин бағасы 2-3 теңгеге көтерілген. Көлік иесіне бағаның сан құбылуы қиынға соғып тұр. Қымбатшылықтың әсерін сезініп үлгерген жұрт бұл өзге де тауарлардың қымбаттауына әсер етеді ме деп алаңдаулы. Ал жанар-жағармай қауымдастығы халықтың бұл алаңдауының орынды екенін айтады.

Қайыпбек Қамбаров, Жанар-Жағармай қауымдастығының төрағасы:

— Бұл халыққа ауыр тиіп жатыр. «Неге?» деген сұрақтар туады. Неге сонда бірден көтеріп жібереді? Бізге қиын ғой. Жаңағы айтқандай, бұның артында басқа да тауарлар өседі. Өссе де, өспесе де, өседі.

18 қараша, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия