jasqazaq.kz

Белгілі журналист, жазушы Бисұлтан Аманғалиев өмірден озды

06 тамыз 2020, 10:38

Соғыс ардагері, ҚазТАГ қаламгері Бисұлтан Аманғалиев 95 жасқа қараған шағында дүниеден озды.Бұл туралы  ҚазАқпарат хабарлайды.

Ардагер, белгілі журналист, жазушы Бисұлтан Аманғалиев ҚазТАГ аударма кеңсесінде 1954 жылдан 1990 жылға дейін жұмыс істеді. Ол КСРО Журналистер одағының мүшесі. ҚазТАГ-қа дейін Бисұлтан Аманғалиев «Қазақстан пионері» және «Социалистік Қазақстан» газеттерінде қаламын ұштады. Еңбек жолын аудармашы болудан бастаған ол, аударма бөлімінің редакторы, бас редактордың орынбасары, республикалық, бүкілодақтық және шетелдік ақпарат редакциясын басқарды.

Ол ҚазТАГ-тың майталман маманы, еліміздегі білікті аудармашы ретінде арнайы алдырылып, КСРО Жоғарғы Кеңесі сессияларында стенографиялық ілеспе аударма жасау үшін бірнеше рет Мәскеуде де болған. Әсіресе, 1969 жылы Мәскеудегі Кремльдің Съездер сарайында ІІІ-Бүкілодақтық колхозшылар съезінде тікелей ілеспе аударма жасаған.

Бисұлтан Аманғалиев Украина, Польша, Чехословакия, Венгрияны азат етуге қатысты. Әскердің барлық үш саласында қызмет етті. Ол Қазақстанға 1945 жылдың қарашасында ғана оралды.

Бисұлтан Аманғалиев соғыс және бейбіт уақыттағы «Құрмет» орденімен, Халықтар достығы, Қызыл Жұлдыз, Жеңіс ордендерімен марапатталған. Ардагер қаламгер 1925 жылы 24 желтоқсанда қазіргі Батыс Қазақстан облысыны, Казталов ауданында дүниеге келген болатын.

«ҚазАқпарат» ұжымы Бисұлтан Аманғалиевтің туған-туыстарына көңіл айтады.

Бұған дейін, ҚазАқпарат арадагері Бисұлтан Аманғалиевтың өмірі туралы жазған болатынбыз.

18 қараша, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия