
Беларусь президенті Александр Лукашенко 9 мамыр күні «Егемендік және конституциялық құрылымды қорғау жөніндегі» Декретке қол қойды. Бұл туралы ел президентінің баспасөз қызметі xабарлады.
Құжатта мемлекет басшысы қастандық, лаңкестік әрекет, сыртқы агрессия салдары немесе өзге де күш қолдану нәтижесінде ажал құшқан жағдайда елді басқару билігі Қауіпсіздік кеңесінің құзырына өтетіні айтылған. Бұған сәйкес барлық мемлекеттік мекемелер мен лауазымды тұлғалар аталған органның шешімі негізінде әрекет етеді. Қауіпсіздік кеңесінің мәжілісінде елдің премьер-министрі төраға болады.
Қауіпсіздік кеңесінің шешімі барлық жерде мүлтіксіз орындалуы тиіс. Негізгі мәселе ретінде елде сайлау өткізу жайы қаралады. Қауіпсіздік кеңесі саяси науқанды облыс басшыларымен бірге ұйымдкстырады.
Аталған құжат қол қойылған күнен бастап күшіне енеді.
Айта кеткен жөн, А. Лукашенко өткен айда сыртқы күштердің қолдауымен өзіне қарсы қастандық ұйымдастырмақшы болғандардың тұтқынға алынғанын xабарлап еді.
Jas Qazaq — Aqparat