Бейнеу ауданында жалған куәлікпен жұмысқа орналасқан педагогтер анықталды

Сот үкімі бойынша 7 педагог Қылмыстық кодекстің 385-бабы 3-бөлігі бойынша кінәлі деп танылып, оларға айыппұл жазасы тағайындалды. Бұл туралы Маңғыстау облысының прокуратурасы хабарлады.

Білім беру сапасының заңдылығына жүргізілген талдау нәтижесі бойынша педагогтардың кәсіптік даярлықтан өту куәліктерінің жалған екені анықталды.

— «Ә» есімді педагог 2024 жылы наурыз айында SDU University университетінің (Алматы қаласы) «Арнайы педагогика» мамандығы «логопед-дефектолог» біліктілігі бойынша қайта даярлау курсынан өткені туралы жалған куәлігін пайдалану арқылы, мектепте «педагог-психолог» лауазымында жұмыс істеген, — делінген хабарламада.

Ұқсас деректер, аудандағы орта білім беру ұйымдарындағы 6 педагогтен анықталды.

Аталған әрекеттер үшін, сот үкімі бойынша 7 педагог Қылмыстық Кодекстің 385-бабы 3-бөлігі бойынша кінәлі деп танылып, оларға айыппұл жазасы тағайындалды.

inform.kz