«Барыс» хоккейшісі дөрекі ойнаған қарсыласын соққыға жықты (видео)

Құрлықтық хоккей лигасындағы (ҚХЛ) «Спартак» пен «Барыс» арасындағы ойында қос команда хоккейшілері жаға ұстасып қалды. Бұл туралы vesti.kz хабарлады.

«Барыс» форварды Константин Пушкарев командаласы Никита Михайлисқа қарсы дөрекі ойнаған мәскеулік команданың қорғаушысы Всеволод Сорокинді соққыға жықты. Төрешілер ара түсіп, екі хоккейшіні 5 минуттан айып уақытына жіберді.

«Спартак» пен «Барыс» арасындағы ойын негізгі уақытта 3:3 есебімен аяқталып, овертаймда мұз айдын иелері жеңіске бастар жолды тауып кетті. Ал елордалық команда сапынан үш шайбаны да Мэтт Фреттин соқты.