Банк депозитінің сыйақысына салық салынбайды

Соңғы кезде әлеуметтік желіде банктік депозитінен түсетін пайызға салық енгізілетіні туралы ақпарат тарады. Ұлттық экономика министрлігі бұл ақпараттың шындыққа жанаспайтынын мәлімдеді.
Салық кодексінің 430-бабына сәйкес, жеке тұлғаларға банктердегі салымдары (депозиттері) бойынша төленетін сыйақыларға жеке табыс салығы салынбайды.
Үкімет бұл норманын күшін жою және депозиттер бойынша сыйақыларға салық енгізу мәселесін қарастырып жатқан жоқ.
Жалған ақпаратқа қарсы іс-қимыл орталығы азаматтарды салықтар, әлеуметтік төлемдер және басқа да маңызды өзгерістер туралы ақпаратты тек ресми дереккөздерден алуға, сондай-ақ әлеуметтік желілердегі тексерілмеген хабарламаларға сенбеуге шақырады.
JQ-Aqparat
Сурет: ЖИ көмегімен жасалды