jasqazaq.kz

Балқан тауына барғыңыз келсе

20 маусым 2021, 8:48

Бұдан былай Қазақ елінің азаматтары үшін Черногорияға қатынау бұрынғыдай қиындық тудырмайды. Қиындық дейтініміз, бұл елге біздің азаматтар тура баратын рейс жоқ болғандықтан, Украина, Түркия, Ресей арқылы барып жүрді.
Жуырда Air Astana әуе компаниясы Қазақстаннан Черногорияға тіке рейсін қосты. Бұдан былай Нұр-Сұлтан қаласынан Подгорицаға сәрсенбі, сенбі күндері қатынаса, Алматыдан бейсенбі, жексенбі күндері ұшады.

Осы аптада Алматыдан Подгорицаға ұшып келген Airbus A321LR лайнері Подгорицаға сәтті қонды. Екі елдің арасында төте рейстің салтанатты ашылуына орай баспасөз мәслихаты Подгорица әуежайында өтті.
Қазақстанның Хорватия мен Черногориядағы төтенше және өкілетті елшісі Төлежан Барлыбаев, Черногорияның экономикалық даму министрлігі, туризм департаментінің директоры Александра Гардашевич-Славульица және Air Astana компаниясының маркетинг және сату жөніндегі вице-презденті Ричард Леджер, Подгорица халықаралық әуежайының бас директоры Огнен Йовович қатысып, екі елдің журналистері қойған сауалға жауап берді.

«Черногория Балқан орта аралындағы Қазақстан үшін визасыз қатынайтын мемлекет. Тура рейстің ашылуы екі елдің туризмінің дамуына ғана емес, мәдениеті мен өркениетінің өрлеуіне септігін тигізеді» деді елші Төлежан Барлыбаев.

Air Astana әуе компаниясының вице-президенті Ричард Леджер Черногорияға тіке қатынайтын рейс ашу екі мемлекет үшінде тиімді екенін атап өтті. «Черногория мемлекетіне Қазақстаннан қатынайтын жолаушыларға жоғары сападағы қызмет көрсетуге әзірміз» деді Ричард Леджер.

Қуаныш Нұрданбекұлы,
Подгорица, Черногория

Бүгін, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия