Баласына алимент төлемеген әке қамауға алынды

Жауапкершіліктен қашқан әкенің балаларына көмек көрсетпегеніне бірнеше жыл болған, деп хабарлайды Aktobenews.kz.

Оның алимент бойынша берешегі екі миллион теңгеден асқан.

Ақтөбе қаласының мамандандырылған әкімшілік сотында балаларының алдындағы жауапкершіліктен қашқан азаматқа қатысты әкімшілік іс қаралды. Ол жасы кәмелетке толмаған балаларына алимент төлеуден жалтарып, сот шешімін қасақана орындамаған.

Алимент бойынша берешегі 2 257 257 теңгені құрайды.

Балаларынан қашқан әке ҚР ӘқбК 669-бабымен жауапқа тартылды деп хабарлайды Ақтөбе облыстық сотының баспасөз қызметі.

Қаулы заңды күшіне енген жоқ.